Дека во фудбалот не се парите најважни, се покажа уште еднаш, и тоа на мечот кој многумина го очекуваа со големо нетрпение. Пари Сен Жермен гостуваше кај Бриж, а во нападот на гостите за првпат во стартниот тим беа суперѕвездите Лионел Меси, Нејмар и Килијан Мбапе. Меси е единствениот играч во историјата со шест Златни топки, а Нејмар и Мбапе се двајцата најскапи играчи во историјата за еден направен трансфер.
И со вакво неверојатно трио во нападот, ПСЖ не успеа да победи на гостувањето во Бриж. Не само што заврши 1:1, туку Бриж покажа дека не се плаши од големите ѕвезди. На крајот, статистиката покажа дека домашниот тим играл одлично и упатил 15 шута кон голот на Светците (шест удари помалку упати ПСЖ), а Бриж изведе и шест корнери, додека фаворитот имаше само два шута од аголот.
PSG started Mbappe, Neymar and Messi and they still got outshot by Club Brugge. 😳 pic.twitter.com/M7A45zLM00
— FutbolBible (@FutbolBible) September 15, 2021
Според пресметките на двата тима кои беа на теренот, ПСЖ имаше седумпати поскап тим, но на теренот играчите на Бриж покажаа како се игра со срце и дека не се плашат од никого.
