Арсенал дефинитивно ќе му дозволи на Гранит Џака да го напушти тимот откако неодамнешниот капитен на Топчиите ја наруши хармонијата со навивачите по инцидентот во мечот со Кристал палас. Швајцарскиот репрезентативец наводно е подготвен да избега од Лондон, а откако се појави информација дека планира да купи куќа во Милано, сè поивесно е дека ќе го оствари трансферот на „Сан Сиро“.
Џака се поврзува со преселба во редовите на Милан, особено што веќе нема доверба од менаџерот Емери и е без клупски обврски извесно време. Росонерите во обид да се извлечат од кризата се подготвени да вложат во услугите на играчот за врска уште во јануарскиот преоден рок.
Милан по оваа репрезентативна пауза, го очекува дерби против Наполи, кој исто така има проблеми. Тимот на Стефано Пиоло е на 14-тото место по 12 првенствени меча во Серија А, со 12 бода.
