Јутјуберот Џејк Пол даде детали за неговата состојба од болничкиот кревет откако претрпе тежок пораз и нокаут од Ентони Џошуа.
Американецот претрпе двојна фрактура на вилицата за време на судирот во Мајами и мораше да биде опериран.
„Операцијата помина добро, ви благодарам за целата љубов и поддршка. Ми беа ставени по две титаниумски плочи од секоја страна. Извадени се неколку заби. Морам 7 дена да бидам само на течности“, објасни Пол кој коментираше и дека вреди да ти ја скршат вилицата за 92 милиони долари, а се теши дека иако вилицата му е скршена, барем здрави му се срцето и тестисите.
