Леброн Џејмс го претрка Коби Брајант на третото место на вечната листа со најдобри кошгетери во НБА лигата, откако постигна 29 поени, но радоста му беше половична по празот на Лос Анџелес лејкерс од Филделфија со 91:108.
На еден од најдобрите кошаркари на сите времиња му беа потребни 18 поени за да го мине Коби на третото место, а кога ги постигна беше бурно поздравен од публиката во „Велс Фарго центар“ во Филаделфија.
LeBron James gets to the bucket to move up to 3rd on the all-time scoring list! pic.twitter.com/almofNRKrg
— NBA (@NBA) January 26, 2020
Џејмс во знак на почит кон Брајант имаше подготвено специјално сценарио и носеше патики со порака „Mamba 4 life“. Леброн сега има вкупно 33.655 поени во НБА кариерата и пред него сега се само Карим Абдул Џабар со 38.387 поени и Карл Мелоун со 36.928 поени, а интересно е што водечкиот квартет на вечната листа со најмногу поени во НБА лигата имаат играно за Лос Анџелес лејкерс.
“There it is. He just became the 3rd-leading scorer in NBA history.” 👑👑👑 pic.twitter.com/3dVhG2Pzlp
— Los Angeles Lakers (@Lakers) January 26, 2020
Петти на вечната листа е Мајкл Џордан со 32.292 поени. ВО ноќта што целосно му беше посветена на Леброн Џејмс со феноменални партии баскет блескаа Кајри Ирвинг, кој постигна 45 поени за Бруклин во победата против Детроит и Зак Лавињ со 44 поени, како најдобар кошаркар на мечот меѓу Кливленд и Чикаго што го добија популарните Бикови.
Резултати: Детроит пистонс – Бруклин нетс 111:121 по продолженија, Кливленд кавалирс – Чикаго булс 106:118, Оклахома тандер – Минесота тимбервулфс 104:113, Филаделфија 76 – Лос Анџелес лејкерс 108:91
