Предводникот на Глазгов ренџерс, Стивен Џерард, сака да го засили својот тим со искусен голгетер. Како прва цел на англискиот стратег е назначен неговиот поранешен колега од репрезентацијата на Англија, Џермејн Дефо.
Дефо веќе извесно време не е во прв план кај Еди Хау, па раководството на Борнмут му даде зелено светло да си замине доколку најде нова средина. Џерард му нуди спас, а овој трансфер е сѐ поизвесен бидејќи и двајцата се клиенти имаат ист агент. Триесет и шестгодишниот голгетер има статус на легенда во Премиер лигата и би бил огромно засилување за Ренџерс кој ќе може многу да придонесе во трката за титулата во Шкотска.
Дефо во својата кариера ги бранеше боите на Тотенхем, Вест хем, Портсмут, Сандерленд, а доколку потпише за тимот од Глазгов, нема да му биде прв пат да го напушти Островот бидејќи извесен период играше за Торонто во МЛС-лигата.
