Организаторот на играта на Вашингтон визардс, Џон Вол, по осум години би можело да ја напушти екипата која му ги отвори вратите во светот на НБА. Њујорк никс е тимот кој е загреан за неговите услуги, а медиумите од САД најавуваат дека „магионичарите“ се подготвени да го трејдуваат Вол.
Се споменува трејд помеѓу три клуба, додека тројца играчи би го напуштиле тимот на Њујорк со цел да се ослободат средства за дваесет и осумгодишниот плејмејкер.
Вашингтон го избра Вол за прв „пик“ на драфтот во 2010 година, сезонава бележи просек од 21 поен и осум асистенции во 24 натпревари, на кои во просек игра по 35 минути. Визардс имаат учинок од 10-14 во Лигата и се првиот тим на Истокот под линијата за местата во плејофот.
