Британскиот боксер Ентони Џошуа со едногласна одлука на судиите стигна до победа над Џермејн Френклин, за голема радост на домашните фанови во Лондон. Едниот судија му даде предност од 118:111 на Џошуа, додека останатите двајца беа идентични и гласаа 117:111 за Британецот.
https://twitter.com/i/status/1642292297059516417
Некогашниот шампион во тешка категорија во овој меч влезе по два порази од Олександер Усик, но на овој меч против Френклин од првата рунда покажа дека е подготвен да победи. Џошуа максимално ја користеше предноста во висина и најчесто со предни директи го отвораше гардот на противникот.
На крајот од четвртата рунда фајтерски влегоа двајцата боксери кои си зададоа по неколку удари, а возбудливо беше и во следните рунди.
https://twitter.com/i/status/1642287084064100353
Малку фалеше овој меч да има и неочекуван фајт, кога двајцата боксери беа во клинч, а потоа реагираше тренерот на Френклин и за малку ќе се случеше хаос, но реагираа повеќе луѓе.
За Џошуа ова беше 25-та победа во 28 меч и сигурно сега повторно ќе се обиде да стигне до тронот во тешка категорија. Американскиот боксер го претрпе само вториот пораз, а има 21 победа.
Drama at the final bell! #JoshuaFranklin pic.twitter.com/vegJjiQiyY
— Matchroom Boxing (@MatchroomBoxing) April 1, 2023
