Британскиот боксер Ентони Џошуа ќе ги брани ИБФ, ВБА, ВБО, ИБО појасите во супертешка категорија против Кубрат Пулев на 20 јуни. Борбата е договорена и потврдено е местото на настанот – Ќе се борат на ултрамодерниот стадион на Тотенхем во Лондон.
Џошуа беше обврзан до 3 март да прифати борба со предизвикувач за титулите, па во еден ден се договорија со Кобрата околу датумот и местото за борбата. Џошуа со победата против Енди Руис во реваншот во октомври минатата година ги поврати појасите, а се шпекулираше дека следна борба ќе му биде против сонародникот Тајсон Фјури.
Сепак, за 24-та професионална победа во кариерата ќе ги одмери силите против искусниот бугарски боксер, кој исто така има само еден пораз од вкупно 29 борби во кариерата, и тоа нокаут од Владимир Кличко во 2014 година.
