Славниот британски боксер и поранешен светски шампион во тешка категорија, Ентони Џошуа, имаше тешка сообраќајна несреќа во Нигерија во која загинаа две лица од неговата придружба.
Според локалните органи на редот и сведоците, теренското возило во кое се наоѓале Џошуа, неговите пријатели и членови на тимот со голема брзина удрил во камион паркиран на патот без никакви очигледни предупредувачки знаци.
Две лица кои биле во автомобилот со Џошуа починале на местото на настанот, а неофицијално Џошуа седел зад возачот. Бокскерот претрпел мали скршеници и модринки и бил однесен во болница, каде што е под надзор и е подложен на понатамошни прегледи, а состојбата му е стабилна.
На социјалните мрежи се појави видеосодржина од моментот по несреќата, на која се гледа Џошуа без маица, видливо потресен и опкружен со скршено стакло и екипи за итни случаи.
Just look at the terrible state of Nigeria.
After a major accident reportedly involving Anthony Joshua, where two lives were lost, there was no visible emergency response; no ambulance, no proper medical care. Instead, he was made to sit upright in the front of a police van… pic.twitter.com/xZ5IEP9hF6
— Esen (@SemiNigerian) December 29, 2025
