ПСЖ спогодбено ја раскина соработката со Ласана Дијара 15 месеци пред завршувањето на неговиот важечки договор. Искусниот Французин повеќе не сака да се занимава со фудбал, причината е што ќе се фокусира на сопствениот бизнис, сака да го рашири брендот на својот енергетски пијалок.
Дијара во Париз пристигна минатото лето како слободен играч, беше поддршка за првотимците Верати и Рабио, но доби шанса вкупно на 19 натпревари. Покрај ПСЖ, Дијара во кариерата настапуваше уште за: Челзи, Арсенал, Реал Мадрид, Марсеј, Портсмут, Анжи и Ал-Џазира, додека Ле Авр му ги отвори вратите во професионалниот фудбал.
