Еден од најдобрите фудбалери на Јувентус, Пауло Дибала, се наоѓа во родната Аргентина, каде што закрепнува откако беше заразен од Коронавирусот, па даде и едно интервју во кое зборуваше за болеста и за својот однос со најголемата ѕвезда на Јуве, Кристијано Роналдо.
„Кашлав, добив температура, но останав мирен и сталожен и бев во постојана комуникација со лекарите. Сепак, тоа не беше тешка варијанта на Коронавирусот“, рече Дибала.
Аргентинецот при првата средба со Роналдо, му кажал зошто не е омилен во Аргентина, а тоа не е поради фактот дека е децениски ривал на Лионел Меси во битката за титулата најдобар играч на светот.
„Кога се запознавме, му реков: Знаеш ли дека во Аргентина те мразат затоа што така изгледаш, затоа што така одиш, затоа што така живееш, итн. Тој ми одговори: Знам, навикнат сум луѓето да имаат предрасуди за мене“, откри Дибала, кој потврди дека Кристијано е цел на предрасуди и потполно поинаков од тоа како луѓето го замислуваат.