Атлетико Мадрид потврди два позитивни случаи на вирусот ковид-19 во првиот тим, заразени се Диего Коста и Сантијаго Аријас. Двајцата фудбалери, според протоколот, се сместени во домашна изолација и се асимптоматични.
На десетина дена пред стартот на новата сезона во Ла Лига, Јорганџиите имаат проблеми со опасниот вирус, за што веќе се преземени мерки. Тимот на Диего Симеоне на стартот од сезоната ќе се сретне со Севилја, меч за кој допрва треба да се одреди датумот за одигрување.
Двете екипи добија неколку дена повеќе за одмор поради учеството на меѓународните натпреварувања, па затоа ќе го прескокнат официјалниот почеток на шпанското првенство на 12 септември.
El primer equipo se sometió a la pruebas previas al inicio de la pretemporada, excepto los internacionales y Diego Costa y Arias, que dieron positivo en un test PCR realizado en sus vacaciones y se encuentran guardando cuarentena ➡ https://t.co/oL7YTrTISY
— Atlético de Madrid (@Atleti) September 3, 2020
