Диего Коста повторно ќе игра за Атлетико, но сега не во Шпанија, туку во Бразил и тоа за клубот од Минеиро. Познатиот напаѓач веќе се договорил со Атлетико МГ и утре, или задутре треба да биде претставен како засилување за клубот од Бело Хоризонте.
Атлетико Минеиро има огромна традиција, постои 113 години, а по еднаш беше бразилски и јужноамерикански првак.
Atlético acertou os detalhes da contratação de Diego Costa. Tá fechado! Atacante vai ser anunciado oficialmente entre hoje e amanhã
— Vinicius Nicoletti (@Vini_Nicoletti) August 11, 2021
Коста доаѓа во Атлетико МГ од Атлетико Мадрид, клуб за кој настапуваше во три различни периоди и ги има најголемите успеси. Ветеранот кој влезе во 33-та година од животот играше и за Брага, Пенафиел, Селта, Албасете, Валјадолид, Рајо Валјекано и Челзи.
Иако е роден Бразилец настапуваше за репрезентацијата на Шпанија и на 24 меча постигна 10 гола за Црвената фурија.
