Македонскиот фудбалски репрезентативец Елиф Елмас се најде на листата на патници во тимот на Наполи кои ќе бидат во комбинација за настап на гостувањето кај Реал Сосиедад во утрешниот дуел од Лигата на Европа.
Елмас поради позитивен тест на корона-вирус беше во карантин, а по враќањето на тренинг, ја има приликата да заигра, и тоа на тешко гостување кај тим кој е во добра форма и моментен лидер во шпанската лига. Покрај Елмас, се враќа и Пјотр Зјелински, а отсутни се само Љоренте и Милик, кои и онака ги нема на листата на Наполи за мечевите во ЛЕ.
