Реал го доби мадридското дерби против Рајо Валјекано, во првиот меч за нашиот репрезентативец Столе Димитриевски на „Сантијаго Бернабеу“.
Димитриевски бранеше одлично, но тринаесеттата минута беше баксузна и за него и за тимот на Рајо, а Карим Бензема го совлада за победа на Реал од 1:0.
Веднаш потоа нашиот голман имаше одлична одбрана во дуел еден на еден со Марко Асенсио, спаси чист гол и потоа уште неколкупати сигурно интервенираше.
Во последните секунди од мечот гостите имаат шанса и за подвиг и реми, но Комесана немаше среќа и промаши зицер за 1:1.
