Македонија за првпат во Лигата на нациите е во негатива. На гостувањето кај Ерменија, нашата селекција губи со 0-1. Маркос Пицели е стрелец за водство на домаќините во 12-тата минута. Натурализираниот Бразилец во дресот на ерменската селекција шутираше од околу 17-18 метри, а голманот на македонската селекција Димитриевски лошо реагираше и топката заврши зад гол-линијата.
Непосредно пред да даде гол Ерменија, имаше очигледен фаул врз Ристовски, но шведскиот судија не досуди ништо, па во продолжение на акцијата, домаќините дојдоа до предност од 1-0. Лошата реакција на Димитриевски при постигнување на голот на Ерменија, многу наликуваше на реакцијата на некогашниот голман на Ливерпул, Каруис, кој прими сличен гол во последното финале од Лигата на шампионите по шутот на Герет Бејл.
