Фудбалерите на Валенсија доживеаја неочекуван пораз на домашен терен со 2-3 од Селта Виго. „Лилјаците“ имаа водство од 1-0 по само 12 минути игра, но гостите во второто полувреме направија комплетен пресврт и со три гола во мрежата на Столе Димитриевски дојдоа до трите бода од гостувањето на „Местаља“.
Мрежата на нашиот репрезентативен голман се тресеше во 56-тата, 60-тата и во 81-вата минута, а Димитриевски имаше две успешни интервенции од петте удари кои одеа во рамки на неговиот гол.
До крајот на мечот се што успеаја да направат домашните е да постигнат уште еден гол во 93-тата минута со кој беше поставен конечниот резултат – 2-3 за Селта.
