Бугарскиот тенисер Григор Димитров ќе игра во финалето на Мастерсот во Мајами откако во второто полуфинале го победи петтиот светски тенисер, Александер Зверев.
Димитров за 159 минути игра со три сета и тоа со 6:4,6:7,6:4 го совлада Зверев и си закажа меч за титулата со неверојатниот Јаник Синер кој во првото полуфинале во дозволи на Данил Медведев да освои само три гема.
🗣️ GRIGOR DIMITROV RENAISSANCE ERA 🗣️ @GrigorDimitrov defeats Alexander Zverev 6-4 6-7 6-4 to reach the #MiamiOpen final – and secure a return to the world’s Top 10!!! pic.twitter.com/2TnXKtDICJ
— Tennis TV (@TennisTV) March 30, 2024
Во првиот сет и двајцата тенисери сервираа одлично, дозволија да има само две брејк топки, и токму втората беше одлучувачка за сетот. Димитров првата брејк топка ја имаше во десеттиот гем и ја искористи за водство од 1-0 во сетови.
Во вториот сет немаше премногу возбудувања, двајцата тенисери сервираа одлично и не дозволија ниту една брејк топка, по што мечот го однесоа во тај-брејкот каде како да заборавија да сервираат.
Зверев беше поуспешен во одлучувачкиот гем со 4:7 во кој беа направени дури седум мини-брејкови. Зверев со два мини-брејка поведе со 1:3 и предноста ја задржа до крајот на гемот и мечот го однесе во одлучувачкиот трети сет.
Во него, повторно имаше само еден брејк кој го направи Димитров во седмиот гем кога поведе со 4:3 и потоа предноста ја чуваше до крајот за триумф од 6:4 и пласман во финалето.