Попладнево беше извршена и ждрепката за групната фаза на Конференциската лига. Македонија и оваа година нема да има свој претставник, а Брејдаблик, кој беше подобар од Струга во плејофот, за противници ги доби Гент, Макаби Тел Авив и Зорја.
Динамо Загреб и Стефан Ристовски првпат ќе играат во Конференциската лига и можат да бидат задоволни од ждрепката. Шампионот на Хрватска ќе игра против Викторија П’лзењ, Астана и Балкани.
Репрезентативецот Бојан Миовски и клубот во кој настапува, Абердин, ќе имаат вистински предизвик пред себе бидејќи се во група со Ајнтрахт Франкфурт, ПАОК и ХЈК Хелсинки.
