Вирџил ван Дајк, за кого во моментов се зборува дека е меѓу најдобрите стопери на светот, во 2015 година можел да стане член на загрепскиот Динамо, но клубот не можел да плати 7 милиони евра, колку што барале од тогашниот клуб Селтик, па Холанѓанецот премина во Саутхемптон.
Тогашниот тренер на Динамо, Зоран Мамиќ, побарал од брат му Здравко, кој беше прв човек на клубот, да купи еден „капиталец“ кој би помогнал во Лигата на шампионите. Предлогот бил Гордон Шилденфелд, но Зоран го сакал Ван Дајк. Динамо понудил 5 милиони, што било одбиено од Селтик, но Мамиќ вели дека не е сигурен дали Селтик би го продал Вирџил и за бараните 7 милиони.
Летоска Ливерпул го купи Ван Дајк за 78 милиони евра и го направи најскап дефанзивец на светот. Завчера Ван Дајк против Баерн имаше перфектна партија и покажа дека пред четири години со право не сакал да оди во хрватското првенство и остана на британскиот остров.
