Директорот на Австралија опен, Крег Тили е сигурен дека Новак Ѓоковиќ нема да го тужи организаторот на турнирот. Тили, кој е прв човек на тениската федерација на Австралија, му даде дозвола на Ѓоковиќ за настап на Гренд слем турнирот и тоа со медицинско изземање.
Сепак, на крајот, најдобриот тенисер во светот не настапи во Мелбурн откако не доби дозвола од властите во Австралија. Ѓоковиќ беше протеран и се очекува да добие тригодишна забрана за влез во земјата, но Тили е убеден дека Србинот следната година ќе игра на Австралија опен.
„Очекувам веќе следната година Ѓоковиќ да се врати тука. Очигледно е дека требаше да игра и оваа година и тоа ќе му биде намерата и следната сезона. На крајот од краиштата, тој е светски рекет број 1 и сака да игра на Австралија опен. Сигурен сум дека нема да нè тужи“, рече Тили.
Премиерот на државата Викторија, Даниел Ендрју вели дека Ѓоковиќ е добредојден во земјата, но само доколку реши да се вакцинира.
Australian Open organisers say they expect Novak Djokovic to return to compete in the Grand Slam event in 2023.
Victorian Premier Daniel Andrews says the tennis champion would only be welcomed back if he is vaccinated. https://t.co/CHqzK8AtYf
— SBS News (@SBSNews) January 23, 2022
