Извршниот директор на Бугарскиот фудбалски сојуз, Борислав Попов, најавува дека Македонија ќе биде казнета од УЕФА за исвиркувањето на химната.
Според Попов, делегатот го запишал исвиркувањето во својот извештај и тоа значи дека Дисциплинската комисија на УЕФА нема да ја остави неказнета Македонската фудбалска федерација.
„На нашиот меч со Англија пред три години свирежите беа многу послаби, а добивме казна од 10.000 евра. Нема шанса да остане неказнето ова неприфатливо хулиганско однесување“, вели Попов.
