Францускиот интернационалец Николас Пепе беше најскапото засилување во историјата на Арсенал, до пред доаѓањето на Деклан Рајс. Тој не се прослави во дресот на “топчиите“ и минатата сезона ја мина како позајмен во Ница.
Сега тренерот на Арсенал, Артета, објави дека во иднина нема да смета на неговите услуги и фудбалерот нема да биде дел од подготовките на клубот од Лондон.
Пепе во 2019-тата година беше донесен од Лил за 80 милиони евра, а неговата моментална вредност е 18 милиони евра. Во четирите сезони под договор со Арсенал тој настапи на 112 натпревари и постигна 27 голови, додека подели и 21 асистенција.
