Голманот Џонатан Фишер има поминато долг пат во светот на фудбалот. Во еден период тој играше како аматер во еден дански клуб, а паралелно со тоа работеше како учител во едно училиште. Сега како чувар на мрежата се подготвува за дебито во француската Лига 1, откако Мец, тимот што се врати во елитата, го доведе со договор на четири години од норвешкиот Фредрикштад.
Веројатно наскоро ќе има прилика да се соочи со актуелниот победник во Лигата на шампионите, Пари Сен Жермен, што претходно изгледаше како недостижна цел за него.
„Пред две години бев полупрофесионален фудбалер, играв со аматерски договор. За да заработувам повеќе, работев како учител во Данска. Затоа не размислував многу напред“, изјави Фишер при своето официјално претставување.
Висок 198 сантиметри, Фишер во февруари 2024 година прејде од данскиот второлигаш Хјобрјо во Фредрикштад, а минатата сезона во Норвешка имаше навистина импресивни настапи. Токму тоа го привлече интересот на Мец, кој за него плати три милиони евра.
И покрај неговата импресивна висина, го опишуваат како „брз на гол-линијата“ и „способен да игра со топка кога одбраната му ја враќа назад“.
