Единсон Кавани во јануарскиот преоден рок се поврзува со шокантен трансфер во Реал Мадрид.
Напаѓачот на Манчестер јунајтед падна во втор план кај тренерот Оле Гунар Солскјер по доаѓањето на Кристијано Роналдо и не е задоволен со таквиот статус.
Кавани, по трансферот на Португалецот, главно натпреварите ги проследува од клупата за резерви и неговата минутажа е значајно намалена, а тоа ќе се обиде да го искористи Реал Мадрид, кој сака да донесе уште еден проверен напаѓач во своите редови.
Овој напаѓач за Црвените ѓаволи одигра само три натпревари сезонава, додека во минатата беше незаменлив со 39 средби, на коишто постигна 17 гола и запиша шест асистенции.
