Маријано Дијаз вчера конечно го постигна првенецот за Реал Мадрид во шпанското првенство. Откако долго време отсуствуваше од терените поради повреда, во победата над Алавес (3-0) се запиша во листата на стрелците, што воедно за него беше и прв гол во 2019 година.
Дека има огромна разлика меѓу сегашната „7-ца“ на Реал и ѕвездата која долго време го носеше култниот број, Кристијано Роналдо, е и повеќе од јасно, а еден кикс на Домениканецот од вчерашниот дуел ќе се памети повеќе од неговиот дебитантски погодок.
Иако навидум изгледа едноставно да се додаде во противничкиот шестнаесетник, Маријано си ја искомплицира работата и добро што не се повреди, бидејќи со вакво промашување на топката може лесно да се истегне мускул.
