Ерик Родригес, помошникот на селекторот на фудбалската репрезентација на Костарика, Клаудио Вивас, вчера почина и тоа додека репрезентацијата играше пријателски натпревар на „Максимир“ во Загреб против Обединетите Арапски Емирати.
На Родригес му се слошило во саботата, кога репрезентацијата од Њукасл патувала кон Загреб и тој бил хоспитализиран во болница во Амстердам, каде што слетал авионот поради лошото време.
A los seleccionados les acaban de comunicar sobre el fallecimiento de Erick Rodríguez, asistente de la selección. pic.twitter.com/P3vBnX9Pci
— TD Más (@tdmas_cr) September 12, 2023
За жал, за време на вчерашниот натпревар, се искомплицирала здравствената состојба на Родригес, по што тој починал.
Второто полувреме на „Максимир“ започна со едноминутно молчење, а на крајот славеше селекцијата на Обединетите Арапски Емирати со 4:1.
