Неверојатно, но вистинито, телевизијата „Фокс“ му даде дури 375 милиони долари на славниот квотербек Том Брејди да работи кај нив 10 години како аналитичар на натпреварите од НФЛ-лигата во американски фудбал.
Брејди има 44 години, но уште е активен, ќе игра и во наредната сезона, а кога ќе се пензионира, ќе добие огромна сума пари, поголема од таа што ја добил како играч. Брејди ќе има заработено 333 милиони ако се повлече по следната сезона, а по работата во „Фокс“, би имал над 700 милиони.
Легендата Брејди има 7 шампионски прстени, шест со Њу Ингланд пејтриотс, а една со неговиот сегашен клуб Тампа Беј буканирс.