Хјустон, Денвер, Минесота и Атланта ноќеска остварија договор за најголемата размена во последниве 20 години во НБА-лигата. Вкупно 12-мина играчи учествуваа, со што овој трејд е најголем од 2000 година, кога Патрик Јуинг се пресели во Сиетл.
Атланта ги доби Клинт Капела и Нене од Хјустон, Во редовите на Рокитс доаѓаат Роберт Ковингтон и Џордан Бел како и пик од втората рунда на следниот драфт. Минесота добива дури четворица нови играчи, Еван Тарнер од Атланта, како и Малик Бизли, Хуанчо Ернангомес и Џаред Вандерблит од Денвер, но и пикот на Атланта од првата рунда на следниот драфт.
Во редовите на Нагетс завршија Џералд Грин од Хјустон и пик од првата рунда на драфтот, како и тројката од Минесота, Ноа Вонлех, Шабаз Напиер и Кејта Нејтс-Диоп.
Најпознатите имиња во овој трејд секако се Клинт Капела и Роберт Ковингтон. Капела во наредните три години ќе заработи околу 55 милиони долари.
ESPN Sources: 4-team trade agreement: Houston: Robert Covington; Atlanta: Clint Capela and Nene; Minnesota: Malik Beasley, Juancho Hernangomez, Evan Turner, ATL 1st round pick via Nets; Denver: Gerald Green, Houston FRP.
— Adrian Wojnarowski (@wojespn) February 5, 2020
