Фудбалерите на ПСВ Ајдховен првпат оваа сезона не успеаја да победат на натпревар од првенството на Холандија, откако денес одиграа само 1-1 на гостувањето кај Утрехт.
Клубот од Ајдховен пред овој натпревар имаше 17 победи на исто толку натпревари и предност од 12 поени пред второпласираниот Феенорд, предност која сега е зголемена на +13, но конкурентот има натпревар помалку.
ПСВ и денес имаше водство преку Бакајоко уште од седмата минута, но Бусаид во 53-тата минута погоди за 1-1, што на крајот се покажа како конечен резултат на овој натпревар.
