Серијата на Црвена ѕвезда без пораз во првенството на Србија заврши вечерва после 484 дена. „Црвено-белите“ од Белград веќе од поодамна се шампиони на Србија, па си дозволија луксуз да загубат од Раднички Крагуевац со убедливи 4-1.
Последен пат Црвена ѕвезда загуби на 20-ти декември 2023 година, кога беа поразени со 2-1 од вечниот ривал, Партизан.
За екипата на Раднички Крагуевац настапува и нашиот интернационалец Лука Станковски, кој доби шанса за настап во 67-мата минута.
На пет кола до крајот, „црвено-белите“ имаат 89 бода, неверојатни 25 повеќе од Партизан и гол-разлика од 109 дадени и 27 примени погодоци.
