Вечерва во САД се игра најважниот меч во историјата на спортот, популарниот Супербол. Тоа е дуелот кој треба да го даде шампионот во НФЛ првенството. Филаделфија иглс и Канзас сити чифс ќе се борат за трофејот.
Според пресметките, ова ќе биде најиграниот меч во историјата на обложувањето. Рекордни 50,4 милиони Американци одиграле тикет во обложувачница, а вложени се повеќе од 16 милијарди долари.
Коефициентите покажуваат дека Филаделфија е благ фаворит, но во еден ваков дуел, одлужува и моменталната инспирација и еден момент може да биде клучен за победникот, кој ќе влезе во историјата на американскиот спорт.
Неверојатен е фактот дека само за тревата на која ќе се игра финалето, се вложени 800.000 долари.
The NFL has spent two years preparing the grass for tonight’s field at the Super Bowl.
The grass was grown at a local sod farm in Phoenix.
It was installed two weeks ago, and the field has been rolled out each morning for daily sunshine.
Total cost = $800,000 pic.twitter.com/Um8zZala2O
— Joe Pompliano (@JoePompliano) February 12, 2023
Освен што е мечот со најмногу обложувања, со години ова е и најскапиот настан за телевизиска реклама. За 30 секунди рекламирање за време на Суперболот мора да се одвојат неверојатни седум милиони долари.
