Репрезентацијата на Катар покажува дека започнала со создавање тим за Светското првенство во 2022 година, на кое тие ќе бидат домаќини. Катар успеа да одигра нерешено 2:2 против Парагвај во првото коло од Копа Америка. Оваа азиска селекција е дел од јужноамериканското првенство како гостин со покана.
Парагвај одлично го започна мечот и поведе со 1:0 благодарение на реализираниот пенал на Кардозо во 4четвртата минута од мечот. Тоа беше и резултат по првите 45 минути. Во вториот дел Гонзалес со погодок во 56-тата минута зголеми на 2:0, но тоа не беше причина Катар да се предаде.
Селекцијата која на почетокот на годинава стана континетален првак на Азија со двата гола во последните 25 минути покажа дека не е дојдена само да ја пополни бројката на учесници на Копа Америка и стигна до првиот бод. Статистички, Катарците имаа поголем посед на топка, па на крајот може да жалат и што не направија целосен пресврт.
