Серијата позитивни резултати на Арсенал продолжи и на почетокот од Новата година. „Топчиите“ со пресврт дојдоа до победа од 1-3 над Брентфорд на првиот меч од топ-5 европските лиги во 2025 година.
За Арсенал ова е 12-ти натпревар по ред без пораз, после кој се вратија на втората позиција на табелата со шест бода помалку од лидерот Ливерпул, кој има и натпревар помалку.
Брентфорд изненадувачки дојде во водство преку Мбеумо во 13-тата минута, но Габриел Жезус израмни во 29-тата минута. „Топчиите“ победата ја обезбедија за само три минути во второто полувреме, откако Мерино погоди во 50-тата, а Мартинели во 53-тата минута.
