Доминик Соланке ги помина медицинските прегледи и потпиша шестгодишен договор со Тотенхем, јавуваат англиските медиуми. Челниците на Тотенхем уште вчера постигнаа конечен договор со Борнмут за трансферот, кој изнесува 55 милиони фунти, плус уште десет милиони како бонуси. Точно 20% од оваа сума треба да оди во претходниот клуб на напаѓачот, Ливерпул.
Се очекува Соланке денес да присуствува на стадионот за време на пријателскиот натпревар меѓу Тотенхем и Баерн Минхен, каде што ќе биде претставен на навивачите.
26-годишниот Соланке постигна 19 гола во Премиер лигата минатата сезона. Овој трансфер е рекордна продажба во историјата на Борнмут, бидејќи значително ги надминува оние 40 милиони фунти за кои „црешите“ го продадоа Нејтан Аке на Манчестер Сити пред четири години.
Зделката е рекордна и за Тотенхем.
