Тренерот кој има најмногу победи во историјата на НБА, 78-годишниот Дон Нелсон, веќе десет години е надвор од лигата, но вели дека пензионерскиот живот му е убав, живее на Хаваите и почнал да пуши марихуана. Ова негово признание предизвика смеење и воодушевување кај присутните на прес-конференцијата на која беа и некогашните ѕвезди на Голден Стејт вориорс, Џејсон Ричардсон и Стивен Џексон.
„Каков ми е животот? Почнав да пушам марихуана. Никогаш не сум пробал додека бев играч или тренер, сега првпат пробав. Ова е нешто ново за мене. Тоа сега е полегално од порано, и убаво ми е“ – рече Нелсон кој како тренер има 1.335 победи во НБА, а како играч освои пет титули со Бостон селтикс.
Додека го кажуваше ова, Ричардсон триумфално ги крена рацете во воздух, воодушевен од признанието на славниот тренер. Нелсон го смени и изгледот, сега има подолга коса, пуштил и брада.
Don Nelson asked what he’s been doing after basketball: “I’ve been smoking some pot.” pic.twitter.com/67cncPYzsh
— Anthony Slater (@anthonyVslater) February 22, 2019