Килијан Хејс е јунакот на Детроит пистонс, екипа што го победи Далас маверикс со 131:125 по едно продолжение, во единствениот меч што се играше во НБА-лигата ноќеска.
Хејс, кој има 21 година, даде 8 од вкупно 14 поени за Пистонс во продолжението, а успеа да врза две прекрасни тројки во клучни моменти.
Мечот го заврши со вкупно 22 поени и 8 асистенции, како втор најдобар стрелец кај победничката екипа.
https://twitter.com/ESPNNBA/status/1598508965381300224?s=20&t=oH79M69F77qbWxw_6IDLXg
Лука Дончиќ и Бојан Богдановиќ водеа интересна битка за поени и беа најефикасни на мечот – Словенецот Дончиќ кај поразениот Далас со 35 поени, 10 асистенции и пет скока, а Хрватот Богдановиќ кај Детроит со 30 поени и по 4 скока и асистенции.
Во регуларниот дел мечот заврши со резултат 117:117.
https://twitter.com/NBA/status/1598490236513910786?s=20&t=oH79M69F77qbWxw_6IDLXg
