Кошаркарите на Далас маверикс на свој терен загубија од Филаделфија со 116:120, иако домаќините ја имаа улогата на големи фаворити. Далас поведе со 11:0, но до крајот на првата четвртина, Филаделфија не само што ја анулира негативата, туку со серија од 14:1 во финишот, негативата од 21:18 ја претвори во двоцифрена предност од 32:22.
Од тој момент, па до крајот на средбата, Филаделфија константно имаше предност која најчесто беше со двоцифрена разлика. За Далас ова е четврти пораз во последните пет меча и повторно не помогна одличната игра на Лука Дончиќ, кој трет меч по ред завршува со трипл-дабл учинок (38 поени, 11 скока и 10 асистенции).
Дончиќ е само четвртиот играч во историјата на НБА-лигата кој на три меча по ред има трипл-дабл и на сите три средби има 30+ поени. Претходно тоа им успеало само уште на Оскар Робертсон (четирипати), Расел Вестбрук (двапати) и Мајкл Џордан еднаш.
Luka Doncic becomes the fourth player in NBA history to have three consecutive 30+ point triple-doubles, joining Oscar Robertson (4x), Russell Westbrook (2x), and Michael Jordan. pic.twitter.com/HXvlvakvPH
— NBA History (@NBAHistory) March 3, 2024
Далас сега има 34 победи и 27 порази, додека за Филаделфија ова беше 35-та победа во 60 средби.
