ДомаКошарка
КошаркаНБА

Дончиќ е незадржлив: Дава тројки од центар, забива низ целата одбрана, носи победи (Видео)

Трајан Маневски
Трајан Маневски
12

Од ден на ден, Лука Дончиќ станува сè поголема ѕвезда во НБА-лигата. Тинејџерот кој ја игра дебитантската сезона во најсилната лига на светот, едноставно е незадржлив за противниците. Дончиќ одигра уште еден меч, и тоа во дербито на Тексас, за победа на Далас од 128:108 против Хјустон.

Лука со својата игра го засени дури и Џејмс Харден, кој имаше трипл-дабл со 25 поени, 17 асистенции и 11 скока, но сите зборуваат за тоа што го прави 19-годишниот играч на Далас. Дончиќ одигра само половина меч, но и тоа беше доволно да го покаже целиот свој талент.

Уште на почетокот од мечот, Словенецот „му продаде“ финта на Харден и погоди тројка, покажувајќи дека ова е негов меч.

Потоа покажа како од кош на кош може да ја помине целата противничка одбрана и „крвнички“ да забие, а на крајот од првото полувреме изведе шоу и погоди тројка од речиси половина игралиште пред да истече времето.

 

 

- Оглас -

Најнови вести

Вчитај повеќе

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk