Во втората сезона од НБА-лигата, Лука Дончиќ ја почувствува магијата на плејоф-дуелите. Младиот Словенец покажа дека и во дуелите од плејофот нема да сопре со блескавите игри. За жал на Далас, Лука не успеа да го одведе тимот до конечен триумф против Лос Анџелес клиперс и беше елиминиран со 4:2 во победи.
И покрај елиминацијата, Дончиќ одигра плејоф-серија за историја. Во шесте меча имаше просек од 31 поен, 9,8 скока и 8,7 асистенции по меч. Со овој просек, Лука е шестиот најдобар играч според просекот на поени во дебитантската серија од плејофот. Ниту еден играч во историјата немал просек со 31 поен и над осум скока и асистенции.
Most points per game by a player in their first playoff run:
35.2 — Kareem Abdul-Jabbar
34.7 — Rick Barry
33.2 — Wilt Chamberlain
31.7 — Bob McAdoo
31.5 — Anthony Davis
31.0 — Luka Doncic pic.twitter.com/pOh5GVVCqP— StatMuse (@statmuse) August 30, 2020
Ако се гледа низ историјата, Дончиќ има подобар скор во првата плејоф-серија од Мајкл Џордан, Коби Брајант, Леброн Џејмс… Легендарниот Џордан во првата серија на доигрувањето бил со просек од 29,3 поени, младиот Коби не можеше да се вклопи, па имаше просек од само 8,2 поени, додека Леброн беше со просек од 30,8 поени по натпревар.
