Мечот кој требаше да биде дерби во НБА се претвори во шоу на Лука Дончиќ, па неговиот Далас убедливо со 144:126 славеше над Лос Анџелес клиперс. Дончиќ беше незадржлив и на крајот заврши со 44 поени и неверојатно прецизен шут од поле.
Словенецот погоди 17 од 21 шута и имаше 81 отсто реализација, што му е најдобра реализација во кариерата. Лука погоди шест од девет шута за тројка, а беше безгрешен од линијата за слободни фрлања (4/4), додека од шутот за два поени само еднаш биеше непрецизно.
Покрај овој одличен шут, Дончиќ додаде и по шест скока и шест асистенции, па на крајот имаше индекс на учинок од 32. Вакви бројки никогаш претходно немал ниту еден друг кошаркар во НБА.
Интересно е дека овие бројки на Дончиќ беа за само три четвртини поминати на теренот. Словенецот одигра само 32 минути што е и клупски рекорд за толку многу поени, за толку кратко време. За Дончиќ ова беше 29 меч во кои има 40 поени и барем по пет асистенции и скока и по таа статистика е убедливо најдобар во НБА.
Luka Doncic couldn’t be stopped in the Mavericks’ West Group B win over the Clippers 😤
🔥 44 PTS
🔥 6 REB
🔥 6 ASTMavericks move to 1-1 in West Group B play!
The @dallasmavs third NBA In-Season Tournament game is Tuesday, 11/14 vs. NOP on the NBA App pic.twitter.com/qPEPaRf7xo
— NBA (@NBA) November 11, 2023
Откако во 1976 година е формирана единствената НБА лига, до ноќеска, само Мајкл Џордан и Леброн Џејмс можеа да се пофалат дека одиграле 30 или повеќе мечеви на кои постигнале 40+ поени, пред да наполнат 25 години. Сега во нивно друштво е и Дончиќ.
Во останатите мечеви кои ноќеска се одиграа во НБА лигата: Детроит – Филаделфија 106:114, Вашингтон – Шарлот 117:124, Бостон – Бруклин 121:107, Хјустон – Њу Орлеанс 104:101, Мемфис – Јута 121:127, Сан Антонио – Минесота 110:117, Феникс – ЛА Лејкерс 119:122 и Сакраменто – Оклахома 105:98.
