Дончиќ и Јокиќ блескаат со нови трипл-дабл учиноци, Денвер сепак не можеше да се спротивстави на најдобриот тим во лигата (Видео)

Лука Дончиќ го предводеше Далас маверикс до убедлива победа од 137:101 во дуелот против Вашингтон, и тоа на гостински терен. Словенецот имаше 21 поен и по 10 скока и 10 асистенции, а кај Далас одличен беше и Кајри Ирвинг со 25 поени. За Далас ова беше 15-та победа во 23 меча сезонава.

Најдобрата екипа во лигата, Кливленд, го победи Денвер со 126:114. Мичел со 28 поени беше предводник во победничкиот тим, а Гарланд додаде 24 поени. За Кливленд ова беше 20-та победа во 23 меча.

Кај Денвер блескаше Никола Јокиќ, кој имаше трипл-дабл со 27 поени, 20 скокови и 11 асистенции, но тоа беше недоволно за неговиот тим да го избегне деветиот пораз во 20-тиот дуел.

За Јокиќ ова беше 139-ти трипл-дабл во кариерата и го надмина легендарниот Меџик Џонсон на вечната листа во НБА-лигата. Пред Србинот сега се само Расел Вестбрук со 200 трипл-дабл учиноци и Оскар Робертсон со 181.

Резултати од мечевите одиграни утрово: Кливленд – Денвер 126:114, Вашингтон – Далас 101:137, Њујорк – Шарлот 125:101, Торонто – Оклахома 92:129, Мемфис – Сакраменто 115:110, Њу Орлеанс – Феникс 126:124, Сан Антонио – Чикаго 124:139 и Голден стејт – Хјустон 99:93.

ПОВРЗАНИ ВЕСТИ

- Оглас -

Најнови вести