Лука Дончиќ одигра како змеј и со 44 поени, што му е рекорд сезонава, го предводеше Далас маверикс до третата победа во новата сезона.
Далас го победи Орландо Меџик со 114:105, а Словенецот е првиот НБА кошаркар од 1986 година што успеал на сите шест меча на почетокот на една сезона да постигне 30 или повеќе поени.
Пред 36 години тоа му успеа на легендарниот Мајкл Џордан и сега на Лука Дончиќ.
Luka Doncic is the first player to score 30+ PTS in each of the first six games of the season since Michael Jordan in 1986. pic.twitter.com/UXgMsO13me
— NBA History (@NBAHistory) October 31, 2022
Лука со 44 поени ноќеска стана прв стрелец во НБА-лигата со просек од 36,7 поени, пред Јанис Адетокумбо со просек од 34,4 поени по натпревар.
Luka Doncic in his last 6 games:
44 PTS
31 PTS
41 PTS
37 PTS
32 PTS
35 PTSHe leads the NBA with 36.7 PPG. pic.twitter.com/SGXssCG9a9
— NBA (@NBA) October 31, 2022
Конечно позитивни вибрации меѓу навивачите и кошаркарите на Лос Анџелес лејкерс имаше по првата победа во новата сезона дури во шестиот меч.
Езерџиите го надиграа Денвер нагетс со 121:110 и избегнаа да бидат единствениот тим без победа по првите шест меча.
Голем пресврт се случи во односот меѓу симпатизерите на тимот од Ел-Еј и Расел Вестбрук, кој беше многу критикуван, а дури му се потсмеваа и бараа да биде разменет.
Рас ноќеска одигра добар меч со 18 поени, 8 скока и 8 асистенции, а публиката во еден момент го награди со стоечки овации.
Леброн Џејмс даде 26 поени, Ентони Дејвис уфрли 23 со 15 скока, а кај гостите од Денвер, Јокиќ имаше учинок од 23 поени и 14 скока.
Different vibe tonight between Russ and the Lakers crowd pic.twitter.com/duWdXWLs6g
— Michael Corvo (@michaelcorvoNBA) October 31, 2022
Во дресот на новиот клуб Кливленд кавалирс пак блесна Олстар-играчот Донован Мичел со ефект од 38 поени и 12 асистенции во победата против Њујорк никс со 121:108.
Домаќините губеа со 9 поени разлика пред стартот на последниот период во кој одиграа брилијантно и го добија со убедливи 37:15 за петта победа во шесттиот меч.
Donovan Mitchell tonight:
38 points
12 assists
2 blocks
12/20 FG
8/13 3PTCavs landed a superstar pic.twitter.com/sAFVsal1gB
— NBACentral (@TheNBACentral) October 31, 2022
Резултати: ЛА клиперс – Њу Орлеанс 91:112, Бостон – Вашингтон 112:94, Кливленд – Њујорк 121:108, Детроит – Голден стејт 128:114, Сан Антонио – Минесота 107:98, Далас – Орландо 114:105, Феникс – Хјустон 124:109, ЛА лејкерс – Денвер 121:110.
