Оваа сезона во НБА лигата ќе се памти по еден од најнеочекуваните размени во историјата. Во сред сезона, Далас маверикс реши да го размени Лука Дончиќ и тоа во Лос Анџелес лејкерс.
Словенечкиот репрезентативец откако дојде во НБА го носеше дресот на Далас и се очекуваше да потпише нов повеќегодишен договор и да ја добие максималната сума. Сепак, челниците на Далас решија да го трампаат Дончиќ и тоа во Лос Анџелес. Дончиќ се присети на тие моменти, кога преку телефон дознал дека е разменет во Лејкерс.
„Бев во кревет и се подготвував да спијам кога ми зазвони телефонот. Три пати помислив дека е 1 април. најмногу почувствував тага. Тоа беше голем шок за мене. Срцето ми се скрши“, откри Дончиќ на едно ТВ интервју.
Откако раскажа за првичниот шок што го имал, во просторијата влезе и неговата агентка, Лара Бет Сигер и му го подаде телефонот на Лука велејќи му „Мислам дека ова ти е спомен од таа ноќ“.
Кога дознал за трампата, Дончиќ во лутина го фрлил и го искршил телефонот, кој уште го користи. „Да, телефонот е скршен, но уште работи“, рече Дончиќ, кој додаде дека до случување на трампата, тој верувал дека целата НБА кариера ќе ја помине во Далас.
Luka Doncic tells @malika_andrews about throwing his phone and breaking it when he found out he got traded to the Lakers 😳
“My heart was broken honestly.” 💔 pic.twitter.com/rfsIGlOaBC
— ESPN (@espn) April 18, 2025
