Една од најголемите НБА-ѕвезди, играчот на Далас маверикс, Лука Дончиќ, поради повреда мораше предвреме да го напушти теренот на дуелот против Минесота. Дончиќ заработи истегнување на мускулот на листот на левата нова, поради што ќе паузира најмалку еден месец.
За Дончиќ ова е најтешката повреда во НБА-кариерата затоа што досега никогаш претходно не му се случило да паузира еден месец. Во тој период Далас ќе одигра 17 меча, што значи дека Дончиќ првпат во една сезона ќе одигра помалку од 65 натпревари во сезона. Тука не се смета сезоната 2019/20, која беше скратена поради корона-вирусот.
Поради оваа повреда Дончиќ нема да може да конкурира за индивидуалните награди. Словенецот оваа сезона одигра 22 меча, во кои има просек од 28,1 поени, 8,3 скока и 7,8 асистенции.
