Лука Дончиќ ниту во третиот меч во дресот на Лос Анџелес лејкерс не одигра на своето препознатливо врвно ниво. Неговиот тим загуби со 97:100 од Шарлот, што е втор пораз на Словенецот откако дојде во новиот клуб.
Во последните пет секунди на дуелот против Шарлот, Лејкерс имаше две шанси да израмни, а одговорноста двапати ја презеde Леброн Џејмс. Ветеранот имаше два шута за три поени, но промашуваше и на крајот Шарлот се израдува на победа.
Дончиќ одигра 33 минути, во кои постигна 14 поени, 11 скока и осум асистенции, што значи дека му фалеа само две додавања да има трипл-дабл. Сепак, ако се погледнат бројките на Дончиќ, јасно е дека ѕвездата е далеку од својата форма.
Новиот ас на Лејкерс шутираше само со пет од 18 од поле, односно имаше 27,8 отсто прецизност. За тројка беше посебно очаен и погоди само еднаш од девет шута, односно имаше само 11 отсто прецизност. Дончиќ имаше и шест загубени топки.
Ако се соберат сите три меча на кои играше Дончиќ во дресот на Лејкерс, Словенецот има прецизност само од 36 отсто од поле, мизерни 21 отсто шут за три поени, а очаен беше и од линијата за слободни фрлања само со 58 отсто прецизност.
Luka Doncic is shooting 36/21/58% as a Laker. pic.twitter.com/O9pNabfhRM
— StatMuse (@statmuse) February 20, 2025
