Лука Дончиќ одигра фантастичен меч, но сепак немаше подршка од соиграчите, па неговиот Далас загуби на домашен терен од Лос Анџелес клиперс со 108:118 во третиот меч од првата фаза на плејофот. Клиперс со оваа победа намалија на 1:2 и се вратија во игра за пласман во следното коло.
Првата ѕвезда на Далас одигра меч за памтење. Прв пат во неговата плејоф кариера даде над 40 поени. На крајот Дончиќ заврши со 44 поени, а имаше и по девет скока и исто толку асистенции. Ова беше само деветти плејоф меч за Дончиќ во неговата кариера и постави постигнување, што досега не му успеало на ниту еден друг кошаркар.
Во првите девет средби од раигрувањето Лука стигна до 275 поени и по 75 скока и 75 асистенции.
Luka Doncic is the 1st player in NBA history with 275 points, 75 rebounds, 75 assists through 9 career playoff games pic.twitter.com/UZmalcrytU
— ESPN Stats & Info (@ESPNStatsInfo) May 29, 2021
Во последните 40 години на историјата на НБА лигата, само двајца играчи имале просек од 32 поени по меч на девет средби во низа. Освен сега на Дончиќ, тоа претходно му успеало само уште на легендарниот Мајкл Џордан.
Only two players in the last 40 years have averaged 32 PPG at least nine games into their postseason careers (Per @EliasSports):
—Luka Doncic
—Michael Jordan#NBAPlayoffs #NBATwitter #TheJump pic.twitter.com/phLqL2D9Si— The Jump on ESPN (@NBATheJump) May 29, 2021
Далас во првата четвртина имаше водство од 30:11, но Клиперс не се предаде и многу брзо стигна до само еден негатива (32:31), најавувајќи дека гостите се решени да победат. Откако пред крајот на втората четвртина Клиперс поведе, во продолжение, гостите во ниту еден момент не му дозволија на Далас да дојде до водство и на крајот заслужено победија. Дуото Каваи Ленард и Пол Џорџ ги предводеше гостите до победа. Ленард даде 36 поени, а Џорџ застана на бројката од 29 поени.
Дончиќ не беше прв стрелец во НБА вечерта. Џејсон Татум од Бостон постигна 50 поени, а неговиот тим славеше против Бруклин со 125:119 за водство од 2:1 во победи.
Предност од 2:1 во победи има и Атланта во дуелот со Њујорк, откако Јастребите пред своите навивачи победија со 105:94.
