Кошаркарите на Милвоки бакс се пласираа во полуфиналето на НБА-купот откако го совладаа Орландо со 114-109. До победата ги предводеше Јанис Адетокумбо со 37 поени и седум скокa, додека Лилард додаде 28 поени, девет асистенции и два скока.
Двоцифрен ефект имаше и Портис со 22 поени, десет скокa и четири асистенции.
Кај Орландо најдобар беше Сагс со 32 поени и девет скокa, додека Блек додаде 17 поени, шест скокa и три асистенции. Мориц Вагнер го заврши натпреварот со 13 поени и три скокa, а Битадзе придонесе со 12 поени, 14 скокa и четири асистенции.
Милвоки во полуфиналето ќе го чека подобриот од четвртфиналниот натпревар меѓу Њујорк никс и Атланта хоукс.
Во полуфиналето се пласир и Оклахома, која го победи Далас со 118-104, благодарение на Гилгес-Александер, кој буквално го „наполни“ кошот на противникот.
Тој постигна 39 поени, осум скока и пет асистенции. Вилијамс додаде 18 поени, седум скока и четири асистенции, додека Дорт и Волас го завршија натпреварот со по 11 поени. Дорт придонесе и со шест скока и две асистенции, а Волас со осум скока и четири асистенции. Двоцифрен ефект имаше и Хартенштајн со десет поени, 13 скока и три асистенции.
Кај Далас, најдобри беа Маршал и Томпсон со по 19 поени и по четири скока, додека Маршал додаде и две асистенции. Ирвинг постигна 17 поени, пет асистенции и два скока, додека Лука Дончиќ одигра под своите стандарди, постигнувајќи само 16 поени, 11 скокови и пет асистенции за 40 минути.
