Лука Дончиќ не престанува да воодушевува со своите игри во дресот на Далас. Словенечкиот кошаркар утрово немаше баш најдобро шутерско шоу погодувајќи само 10/22 удари од поле и очајни 3/12 за три поени во поразот на Далас на гости кај Њујорк од 103:106.
И покрај слабата реализација, Дончиќ стигна до трипл-дабл со 31 поен, 10 скока и 11 асистенции, а имаше и три украдени топки и една блокада. Само со 20 години и 259 денови, Лука е вториот најмлад кошаркар во историјата на НБА-лигата кој успеал да оствари трипл-дабл во „Медисон Сквер Гарден“ во Њујорк. Помлад со вакво постигнување единствено бил легендарниот Меџик Џонсон, кој во далечната 1980 година успеал да има трипл-дабл, а бил 84 дена помлад од Дончиќ.
.@luka7doncic (33 PTS, 10 REB, 11 AST) becomes the second-youngest player (20 years, 259 days) to post a triple-double at MSG.@MagicJohnson (19 PTS, 10 REB, 11 AST on 2/5/1980) is the youngest (20 years and 175 days). pic.twitter.com/tOFk5dbRMu
— NBA.com/Stats (@nbastats) November 15, 2019
За Дончиќ ова е петти трипл-дабл сезонава само во 11 одиграни натпревари. Моментниот просек на Словенецот сезонава е 28,3 поени, 10,3 скока и 9,1 асистенција по натпревар.
Во останатите мечеви кои се играа утрово: Кливленд – Мајами 97:108, Милвоки – Чикаго 124:115, Њу Орлеанс – ЛА клиперс 132:127, Феникс – Атланта 128:112, Денвер – Бруклин 101:93.
