Словенечкиот кошаркар Лука Дончиќ покажа дека освен што е феноменален играч, има и одлични човечки особини. Момчето кое е родено во Љубљана беше запрашано дали може некако да помогне за луѓето кои настрадаа во разорниот земјотрес во Турција, веднаш следуваше реакција.
Дончиќ реши да го донира дресот што го носеше на Ол-стар мечот кој неодамна беше во Јута и на него има потпис од кошаркарот.
„Лука Дончиќ го контактиравме дали може да ни помогне во врска со земјотресите во Турција и тој веднаш се сложи. Тој го понуди на аукција својот дрес од Ол-старот со потпис“, откри турскиот новинар Угур Озан Сулак.
Аукцијата за купување на дресот ќе трае до 5 март, а сите пари што ќе бидат собрани ќе бидат донирани на оние кои се најпогодени од земјотресот.
Luka Doncic generously extended his support when we contacted him about the earthquakes in Turkey. To provide sustainable education for affected children across 11 provinces, he is auctioning his signed ‘23 NBA All-Star Game Jersey on @SocratesDergi.
🔗 https://t.co/Ebsv8wxDie pic.twitter.com/XPY7a12nTk
— Ugur Ozan Sulak (@ugurozan) February 25, 2023
